བོད་མིའི་སྒྲིག་འཛུགས་ནང་སྲིད་ཁྱབ་ཁོངས་བལ་ཡུལ་སྤོག་ར་བཀྲིས་གླིང་ས་གནས་འགོ་འཛིན་ལས་ཁུངས་ནས་ཏོག་དབྱིབས་གཉན་རིམས་ ༡༩ (COVID-19) སྔོན་འགོག་ལས་དོན་ཇི་ཞུས་གནས་བསྡུས།

ཕྱི་ལོ་ ༢༠༢༠ ཟླ་ ༠༥ ཚེས་ ༡༡ ཉིན་འདི་གར་ས་གནས་ Ward ལས་ཁུངས་སུ་གདུང་སེམས་མཉམ་སྐྱེ་མཚོན་བྱེད་དང་། ས་གནས་གཞིས་མི་་དང་ཡུལ་མི་དབར་སྔར་ལྷག་འབྲེལ་ལམ་དང་འཆམ་མཐུན་དམ་གཟབ་ཡོང་ཆེད་བལ་སྒོར་ ༡༥,༠༠༠ འབབ་ཀྱི་ཁ་རས་གྲངས་ ༧༥༠ འབུལ་ལམ་ཞུས་ཐུབ་པ་བྱུང་ཡོད། དེ་མཚུངས་ཏོག་དབྱིབས་ནད་ཡམས་སྔོན་འགོག་དང་འབྲེལ། ས་གནས་གཞིས་མི་ས་གནས་གཞན་ནས་ཕྱིར་སློག་ཡོང་བ་ཁག་གི་ཆེད་ཉིན་གྲངས་ ༢༨ ཟུར་འཇོག་ཞུ་ཡུལ་ཚོགས་བཀག་འགོག་དབྱེ་ཟུར་འཇོག་གོ་སྒྲིག་ཞུས་ཡོད། དེའི་ནང་དགོས་མཁོའི་མཐུན་རྐྱེན་ཡོད་ཐོག་དྲྭ་རྒྱའི་མཐུན་འགྱུར་ཡང་སྦྱར་ཡོད། ད་ལྟའི་ཆར་ཚོགས་བཀག་འགོག་དབྱེ་ཟུར་འཇོག་ནང་གཞིས་མི་གྲངས་གཅིག་ལས་མེད། བལ་གཞུང་ནས་ཕྱི་ལོ་ ༢༠༢༠ ཟླ་ ༠༦ ཚེས་ ༠༢ བར་ཕར་འགྲོ་ཚུར་འོང་བྱ་མི་ཆོག་པའི་བཀོད་ཁྱབ་སྔོན་སོང་ལྟར་གཞིས་མི་ས་གནས་སུ་ཕྱིར་སློག་ཐུབ་པ་བྱུང་མེད། དཔལ་ལྡན་ནང་སྲིད་ལས་ཁུངས་ནས་ཏོག་དབྱིབས་ནད་ཡམས་རྐྱེན་པས་སྒོ་རྒྱག་བཀའ་རྒྱའི་ཛ་དྲག་དུས་འདིར་གཞིས་མི་དཀལ་ངལ་ཅན་རིགས་ལ་བཟའ་བཅའ་མཐུན་འགྱུར་དགོས་པའི་བཀའ་ཕེབས་ལྟར་འགྲོ་གྲོན་གཏོང་དམིགས་བཀའ་འཁྲོལ་བསྩལ་ཁོངས་ནས་ད་ལྟའི་ཆར་གཞིས་མི་གཅིག་ལ་བཟའ་བཅའ་དཀའ་སེལ་ཆེད་བལ་སྒོར་ ༢,༤༠༠ འབབ་ཀྱི་བཟའ་བཅའ་མཐུན་འགྱུར་ཞུས་ཡོད།…

བོད་མིའི་སྒྲིག་འཛུགས་ནང་སྲིད་ཁྱབ་ཁོངས་ཀུ་ལུ་དཔལ་རབ་གླིང་ས་གནས་འགོ་འཛིན་ལས་ཁུངས་ནས་ཏོག་དབྱིབས་གཉན་རིམས་ ༡༩ (COVID-19) སྔོན་འགོག་ལས་དོན་ཇི་ཞུས་གནས་བསྡུས།

མ་ན་ལི་ཁྱབ་ཁོངས་གཞིས་མི། དགོན་སྡེ་ཁག པ་ཀུལ་ནང་ཡོད་གཞིས་མི་ ༧༤ བཅས་སོ་སོའི་ཁྱིམ་ཚང་དུ་ཆེད་བཅར་གྱིས་གཟུགས་གཞི་གནས་སྟངས་འདྲི་རྩད་དང་། ཚ་བ་བརྟག་དཔྱད། འཕྲོད་བསྟེན་སློབ་གསོ་བཅས་ཞུས་ཐུབ་པ་བྱུང་ཡོད།  ས་གནས་མངའ་གཞུང་རྫོང་སྨན་ཁང་གི་  Medical Superintendent Dr. Neena Lal དང་མཇལ་འཕྲད་ཀྱིས་ཏོག་དབྱིབས་གཉན་རིམས་ ༡༩ དང་འབྲེལ་རྫོང་གི་སྨན་ཁང་ནས་མཐུན་འགྱུར་དང་སློབ་སྟོན་ཡོང་བའི་རེ་བསྐུལ་ཞུས།འདི་གའི་ཁྱབ་ཁོངས་དགོན་སྡེ་དང་། སློབ་གྲྭ། ཡན་ལག་སྨན་རྩིས་ཁང་། ལས་བྱེད། གཞིས་སྒར་ཁག་གི་མི་མང་བཅས་ནས་རྒྱ་གར་རྫོང་ལས་ཁུངས་སུ་བློ་བཅད་ཞལ་འདེབས་སྒོར་ ༡༤༢,༠༠༠ ཕུལ་ཐུབ་པ་བྱུང་ཡོད། གཞན་ཡང་ District COVID-19 first response unit སྡེ་ཚན་གྱི་སྨན་པ་ Dr.…

བོད་མིའི་སྒྲིག་འཛུགས་ནང་སྲིད་ཁྱབ་ཁོངས་མན་སྤར་ཕན་བདེ་གླིང་ས་གནས་འགོ་འཛིན་ལས་ཁུངས་ནས་ཏོག་དབྱིབས་གཉན་རིམས་ ༡༩ (COVID-19) སྔོན་འགོག་ལས་དོན་རྒྱ་ཆེ་སྤེལ་བ།

འདི་གའི་གཞིས་མི་བླ་མ་བསོད་ནམས་ལགས་ནས་དཔལ་འབྱོར་མཐུན་འགྱུར་འོག་ས་གནས་འཕྲོད་བསྟེན་སྨན་ཁང་ནས་མཁོ་གྲུབ་ཀྱིས་ཁྱབ་ཁོངས་དགོན་སྡེ་ ༤ གཞིས་གྲོང་ ༧ བཅས་ལ་ལག་སྲིན་སེལ་བྱེད་གྲངས་ ༣༨༠ འགྲེམས་སྤེལ་ཞུས་ཡོད་པ་དང་།  དེ་བཞིན་ས་གནས་འཕྲོད་བསྟེན་སྨན་ཁང་དང་མཉམ་འབྲེལ་གཉིས་ཀྱི་མཐུན་འགྱུར་འོག་དགོན་སྡེ་ ༤  དང་གཞིས་གྲོང་ ༧ བཅས་ཀྱི་མང་ཚོགས་ལ་ཁ་རས་གྲངས་ ༩༨༥ བགོ་འགྲེམས་ཞུས་ཡོད།  ས་གནས་རྫོང་དཔོན་བརྒྱུད་མངའ་གཞུང་བློན་ཆེན་མཆོག་གི་ངལ་སེལ་ཐེབས་རྩའི་མཚན་ཐོག་མང་ཚོགས་ནས་ཞལ་འདེབས་སྒོར་ ༣༠༠,༠༠༠ དང་མཉམ་འབྲེལ་ནས་སྒོར་ ༥༡,༠༠༠ བཅས་ཁྱོན་སྒོར་ ༣༥༡,༠༠༠ ཞལ་འདེབས་ཕུལ་ཐུབ་པ་བྱུང་ཡོད། ཞལ་འདེབས་ཕུལ་བའི་གནས་ཚུལ་དེ་བཞིན་ས་གནས་ཀྱི་གསར་ཤོག་ཁག་ནང་དྲིལ་བསྒྲགས་རྒྱ་ཆེ་བྱུང་ཡོད།    ས་གནས་འགོ་འཛིན། ས་གནས་འཕྲོད་བསྟེན་སྨན་ཁང་གི་འགན་འཛིན། སྨན་པ་བཅས་ཏོག་དབྱིབས་གཉན་རིམས་ ༡༩ བརྟག་དཔྱད་དང་སྨན་བཅོས་མཐེུན་སྐོར་རྒྱུས་ལོན་ཆེད་རྫོང་གི་ཏོག་དབྱིབས་གཉན་རིམས་ ༡༩ སྨན་ཁང་གི་འབྲེལ་ཡོད་ལས་བྱེད་ཐུགས་འཕྲད་དང་སྨན་བཅོས་མཐེུན་བཅས་ཐུགས་ཞིབ་ཞུས།  …

བོད་མིའི་སྒྲིག་འཛུགས་ནང་སྲིད་ཁྱབ་ཁོངས་ལུགས་བསམ་ས་གནས་འགོ་འཛིན་ལས་ཁུངས་ནས་ཏོག་དབྱིབས་གཉན་རིམས་ ༡༩ (COVID-19) སྔོན་འགོག་ལས་དོན་རྒྱ་ཆེ་སྤེལ་བ།

འདི་ནས་ཧོན་སུར་རྫོང་དཔོན་ལས་རོགས་དང་སྦེལ་ཀོབ་ས་གནས་སྐོར་སྲུང་འགོ་དཔོན་གཉིས་ནས་གློ་བུར་ཞལ་པར་འབྱོར་དོན་བཞིན་ཛ་དྲག་ཐོག་མེ་སཽར་རྫོང་དཔོན་ (Deputy commissioner and District Magistrate) དང་། ཛི་ལ་པཎ་ཇི་ཡཌ་སྤྱི་ཁྱབ་འགན་འཛིན་ (ZP CEO) དེ་བཞིན་མེ་སཽར་རྫོང་གི་སྐོར་སྲུང་སྡེ་དཔོན་ (SP Mysore District) བཅས་གཞིས་ཆགས་ནང་གི་ཏོག་དབྱིབས་ནད་ཡམས་སྔོན་འགོག་གནས་སྟངས་གཟིགས་ཞིབ་ཕེབས་པར་སྣེ་ལེན་གོ་སྒྲིག་ཞུས་ཐུབ་པ་བྱུང་ཡོད། དེ་བཞིན་ཁྱབ་ཁོངས་གཞིས་གྲོང་ལྔ་པ་དང་དྲུག་པ་གཉིས་ནས་ཁྱིམ་མཚེས་རྒྱ་གར་གྲོང་གསེབ་མཱཎྡྷ་ཎ་ལིར་དུད་ཁྱིམ་ ༢༡༠ ལ་བཟའ་བཅའ་བགོས་སྤྲོད་ཞུས་ཡོད། ཕྱི་ལོ་ ༢༠༢༠ ཟླ་ ༥ ཚེས་ ༨ ཉིན་ཁྱབ་ཁོངས་སྒྲིག་འཛུགས་དང་གྲོང་སྡེ་ཁག་གི་ལས་སྣེ་རྣམ་པ་ཆེད་འགུགས་ཐོག་དཔལ་ལྡན་བཀའ་ཤག་གི་ལམ་སྟོན་གཞིར་བཟུང་ཟླ་བ་གཅིག་ཡོངས་རྫོགས་སྒོ་རྒྱ་བསྡམས་ཏེ་བཞུགས་དགོས་པའི་གསལ་བསྒྲགས་འགྲེམས་སྤེལ་དང་དོན་ཚན་རེ་རེ་བཞིན་གསལ་བཤད་ཞུས་པ་དང་། དེ་ཉིན་དུག་སེལ་ལས་འགུལ་སྤེལ་ཆེད་མཁོ་སྒྲུབ་ཞུས་པའི་དུག་སེལ་འཐོར་བྱེད་ཀྱི་ཡོ་ཆས་ཁག་ཁྱབ་ཁོངས་དགོན་སྡེ་དང་བཅས་པར་ཕུལ། འཐོར་བྱེད་ཡོ་ཆས་གྲངས་ ༡༧ བགོ་འགྲེམས་ཞུས་ཐུབ་པ་བྱུང་ཡོད། ཕྱི་ཚེས་…
Menu